“Размени книга, подари љубов”-акција на размена на книги и донирање за Дом”11 Октомври”

2

Во сабота, на 18.04.2014 година, од 13:00 до 15:00 пред Спомен куќата на Мајка Тереза во центарот на Скопје ќе се одржи 2 во 1 акција на радување. 
Се радуваме себеси со непрочитани книги и ги радуваме децата од Домот за Деца без родители “11 октомври” во Скопје. 🙂

Ве покануваме на акција на размена на прочитани книги и донаторска собирна акција на книги и училишен прибор за децата од Домот за Деца без родители, “11 октомври” во Скопје.

1.Размената на прочитани книги подразбира дека оние книги oд нашите домашни библиотеки кои сме ги прочитале еднаш и нема повторно да ги читаме, можеме да ги размениме со книги кои ќе ги донесат другите вљубеници на книги кои ке ја посетат акцијата 🙂 

За бидеме сите фер кон сите останати вљубеници во книгата, да се придржуваме кон двете правила : никој не носи книги за кои знае дека нема да бидат интересни за размена и секој зема онолку книги колку што донел.

2. Донации на книги, училишен прибор, сликовници, боенки, лектири, фломастери, темперни, водени, мрсни бои, тетратки, блокчиња, и се од училишен прибор за децата од Домот за Деца без родители “11 октомври” во Скопје е “1” од “2 во 1” акцијата на радување 🙂

Со цел да ги израдуваме децата кои живеат во Домот за Деца без родители “11 октомври” во Скопје, ве покануваме да подарите и донирате Љубов, спакувана во едукација, која на децата од Домот за Деца без родители “11 октомври” во Скопје секогаш им е потребна. Донесете ја вашата донација, спакувана во насмевка и опсипана со љубов, а ние ќе и ставиме панделка и ќе ја доставиме на дечињата.
Да им подариме МНОГУ ЉУБОВ И ЕДУКАЦИЈА сите ние заедно♥

Fb евент : Размени книга, подари љубов

Ве очекуваме 🙂

Здружението Хуманост без граници поттикнува превземање на апелите за помош единствено за хуманитарни цели. Здружението се оградува од било какво користење на апелите за помош за политички цели, политичка пропаганда и ширење на верска, национална, политичка и друг вид омраза.

Објави мислење

Добивајте ги новите апели за помош директно на Вашиот емаил. Се што треба да направите е да го внесете Вашиот емаил во полето: