Завршен апел за помош на Филип Зуламоски

6

БОЛНИЦАТА ВО ПЕКИНГ, НОВА НАДЕЖ ЗА ПРИЛЕПСКИОТ СРЕДНОШКОЛЕЦ!

Филип Зуламоски е 17 годишно момче, ученик во прилепската Гимназија „Мирче Ацев“. Боледува од спинална мускулна атрофија, болест која го спречува да ужива и да му се радува на животот на еднаков начин како што тоа го прават неговите другари од генерацијата.

14756golema

Меѓутоа, тоа никако не значи дека Филип е помалку вреден од нив, напротив. Најголеми „виновници“ што неговата самодоверба е на високо ниво се токму тие, неговите соученици и бројни другари и другарки.

Филип е скромно и комуникативно момче. Со многу добар успех ја заврши втората година во прилепската Гимназија. Вели, заслугите за тоа подеднакво ги делат соучениците, професорите, директорот, неговото семејство. Се надева дека од септември, со подобрената здравствена состојба, оцените ќе бидат уште подобри.

Уште во неговото најрано детство, Филип имаше проблем со одењето. На детска неврологија му беа направени бројни испитувања, без да му постават јасна дијагноза. Цели 12 години низ македонските болници баравме лек за болеста на Филип. Од Државна болница, преку „Св. Еразмо“ во Охрид, од таму пак назад во Државна болница и на крајот во „Систина“, кај д-р Јовица Угриновски – раскажува таткото на Филип, Гоце Зуламоски.

После деталните прегледи, неуролошкиот наод на д-р Угриновски покажал дека се работи за спинална мускулна атрофија, односно атрофија на мускулатурата во целост, вклучувајќи ја и мускулатурата на вратот и груба моторна сила намалена на сите екстремитети.

Д-р Угриновски ни препорача само физички вежби и витамини и кажа дека за оваа болест во Македонија нема лек. На почетокот тоа беше шок за нас, но истовремено нѐ натера да се насочиме кон барање решение на проблемот на друга страна, во странство – вели таткото на Филип.

Солидното познавање на информатичката технологија, упорноста и огромната желба да пронајде лек за својата болест, придонесле Филип да стапи во контакт со повеќе болници каде се лекуваат пациенти со болест идентична или слична на неговата.

Контактирани биле болници во Русија, Грција и Германија, во кои лекувањето се врши со трансплантација на матични клетки. Но ниту една од нив не можела да посочи точен процент на пациенти кои во нивната болница биле излекувани од оваа болест.

Конечно, после многу консултации и интензивна комуникација со официјални лица и со лекарот Dg. Jingli Zhou од болницата во Пекинг, НР Кина, Beijing Puhua Intеrnational Hospital, Филип и неговите родители одлучиле лекувањето да го продолжат во оваа болница.

После извршената евалуација, од болницата нѐ известија дека Филип може да биде кандидат за третман со матични клетки, дека се наоѓа на соодветна возраст и дека не постојат други компликации кои би го попречиле третманот. Во однос на нивното досегашно искуство, кај 90% од пациентите со спинална мускулна атрофија после извршениот третман дошло до подобрување на состојбата, што се отсликува преку подобрување на цврстината на мускулите, мобилноста, подобрување на рамнотежата како и поголема флексибилност – објаснува таткото Гоце.

Вкупното времетраење на лекувањето изнесува 4 недели, за што семејството на Филип ќе треба да плати 33.000 американски долари, со тоа што во цената не влегуваат авионските билети, визите, како и трошоците за храна. Согласно препораките на лекарите од болницата во Пекинг за што поскоро започнување на медицинскиот третман, семејството Зуламоски се надева дека за скоро време ќе успеат да ги обезбедат потребните средства и дека најдоцна до средината на следниот месец ќе заминат во Кина.

Моменталната здравствена состојба на Филип ја налага потребата за време на патувањето и четиринеделниот престој во Кина, во негова придружба да бидат татко му и постариот брат. Сето тоа значително ги зголемува вкупните трошоци, бидејќи само за авионските билети потребни се дополнителни 3.000 евра.

Процедурите на лекување во болницата во Пекинг опфаќаат третман на активирање, размножување и имплантација на матичните клетки 4 пати во текот на еден ден, дневни сесии на физикална и професионална терапија, акупунктура и други третмани на традиционалната кинеска медицина и општи медицински услуги како што се лабораториските испитувања, медицински прегледи и сл. Процената е направена врз база на здравствената состојба на Филип која лекарите од болницата ја разбрале во текот на консултациите.

Скромните примања на семејството Зуламоски ни приближно не се доволни да ги покријат трошоците за лекувањето. Во акцијата за собирање парична помош се вклучија учениците од прилепската Гимназија, а помош стигна и од ОУ „Климент Охридски“, во кое Филип го завршил основното образование.

Деновиве во функција се ставени и два телефонски броја од операторите ОНЕ и ВИП, на кои граѓаните со секое јавување ќе можат да донираат по 100 денари и со тоа да го дадат својот скромен придонес во борбата на храброто момче со подмолната болест.

Телефонските броеви на кои може да се донираат 100 денари за помош на 17 годишниот Филип Зуламоски се 075 143 650 од мрежата на ОНЕ и 077 143 600 од мрежата на ВИП.

Превземено од: 10bez10

Здружението Хуманост без граници поттикнува превземање на апелите за помош единствено за хуманитарни цели. Здружението се оградува од било какво користење на апелите за помош за политички цели, политичка пропаганда и ширење на верска, национална, политичка и друг вид омраза.

Објави мислење

Добивајте ги новите апели за помош директно на Вашиот емаил. Се што треба да направите е да го внесете Вашиот емаил во полето: